Cyrsiau ar gyfer cynrychiolwyr yng Nghymru

Beth yw addysg undebau llafur?

Mae Addysg TUC Cymru yn hyfforddi cynrychiolwyr undebau i weithio gydag aelodau a swyddogion undebau i wneud gwahaniaeth yn eu gweithle.

Ar gyfer pwy mae hyn?

Rydym yn cynnig cyrsiau i bob cynrychiolydd undeb. P’un a ydych chi’n gynrychiolydd y gweithle, stiward llawr gwaith, cynrychiolydd iechyd a diogelwch, cynrychiolydd dysgu undeb, cynrychiolydd gwyrdd/amgylcheddol, cynrychiolydd cydraddoldeb, neu unrhyw fath arall o gynrychiolydd, mae hyfforddiant ar gael a fydd yn rhoi’r sgiliau sydd eu hangen arnoch i fod yn gynrychiolydd effeithiol yn y gweithle.

Os ydych chi’n ystyried dod yn gynrychiolydd newydd, neu os ydych chi’n gynrychiolydd profiadol sy’n awyddus i ddiweddaru eich gwybodaeth, mae gennym gwrs ar eich cyfer chi. 

Yn 2024, rydym yn cynnig rhaglenni datblygu arbenigol sydd wedi’u hanelu at grwpiau sy’n cael eu tangynrychioli yn y mudiad ar hyn o bryd. Mae’r rhain yn cynnwys rhaglenni datblygu arbenigol ar gyfer ymgyrchwyr sy’n fenywod, ymgyrchwyr du ac ymgyrchwyr ifanc. Nod y rhaglenni hyn yw cefnogi aelodau i fod yn gynrychiolwyr mwy gweithredol. 

Amser o'r gwaith ar gyfer hyfforddiant

Mae gan gynrychiolwyr undebau hawl i gael amser rhesymol i ffwrdd o’r gwaith gyda thâl i gyflawni dyletswyddau undeb ac i gwblhau hyfforddiant. Mae ganddynt hefyd yr hawl i gael amser rhesymol o'r gwaith heb dâl i gymryd rhan mewn gweithgareddau undeb. Mae rheoliadau ar wahân ar gyfer cynrychiolwyr iechyd a diogelwch, cynrychiolwyr y gweithle a chynrychiolwyr Dysgu Undebau. Mae rhagor o wybodaeth am hawliau i gael amser i ffwrdd o’r gwaith ar gyfer hyfforddiant ar gael yma.

Cyrsiau

Mae’r cyrsiau’n cael eu cynnal mewn partneriaeth â’n canolfannau astudiaethau undebau llafur yn Dysgu Oedolion Cymru a Choleg Gwent. Mae’r cynrychiolwyr sy’n cymryd rhan yn y cyrsiau yn dod o amrywiaeth eang o ddiwydiannau ac undebau. 

Hyfforddiant wedi’i achredu

Mae ein cyrsiau wedi’u hachredu, ac yn rhoi’r cyfle i gynrychiolwyr gael cymwysterau sy’n cael eu cydnabod yn genedlaethol drwy’r Fframwaith Credydau a Chymwysterau. 

Tiwtoriaid proffesiynol

Mae pawb yn gwybod pa mor bwysig yw athro da. Mae ein cyrsiau yn cael eu cynnal gan diwtoriaid proffesiynol sy’n gynrychiolwyr undebau llafur profiadol. Maen nhw’n cael hyfforddiant a diweddariadau yn rheolaidd gan TUC Cymru.  

Hyfforddiant wedi’i ariannu’n llawn

Mae’r cyrsiau’n cael eu hariannu’n llawn – nid oes ffioedd cwrs ar gyfer cynrychiolwyr o undebau sy’n gysylltiedig â'r TUC.

Cyrsiau i gynrychiolwyr – tymor yr haf 2024 

Teitl y cwrs	Darparwr	Dyddiad dechrau	Lleoliad	Patrwm	Cysylltu
Rhaglen Datblygu Ymgyrchwyr sy’n Fenywod	Wales TUC Cymru	Haf 2024 – dyddiadau i’w cadarnhau	I’w gadarnhau	I’w gadarnhau	Rhagor o wybodaeth a chofrestru eich diddordeb

 

Cyrsiau i gynrychiolwyr – tymor yr hydref 2024 

Mae rhagor o wybodaeth am gynnwys pob cwrs ar gael ymhellach i lawr y dudalen hon.

Enw’r cwrs	Patrwm	Dyddiad dechrau	Dyddiad gorffen	Lleoliad	Darparwr	Cadw lle
Cynrychiolwyr Undebau – Rhan 1	10 dydd Gwener	13/09/24	22/11/24	ALW Caerdydd	Addysg Oedolion Cymru	Gwneud cais ar-lein
Cynrychiolwyr Undebau – Rhan 1	10 dydd Gwener	13/09/24	22/11/24	ALW Wrecsam	Addysg Oedolion Cymru	Gwneud cais ar-lein
Cynrychiolwyr Iechyd a Diogelwch – Rhan 1	10 dydd Mawrth	24/09/24	03/12/24	Campws Heol Nash, Casnewydd	Coleg Gwent	Gwneud cais ar-lein
Cynrychiolwyr Dysgu Undebau – Rhan 1	4 dydd Mercher	25/09/24	12/10/24	Ar-lein	Coleg Gwent	Gwneud cais ar-lein
Cyflwyniad i ymwybyddiaeth amgylcheddol (i gynrychiolwyr)	1 dydd Iau (hanner diwrnod)	05/09/24	05/09/24	Ar-lein	Addysg Oedolion Cymru	Gwneud cais ar-lein
Gwneud y gweithle’n fwy gwyrdd – sgiliau cynrychiolwyr gwyrdd	3 dydd Llun	23/09/24	07/10/24	Ar-lein	Addysg Oedolion Cymru	Gwneud cais ar-lein
Delio â Dileu Swyddi	2 ddydd Mercher	07/10/24	14/10/24	Campws Heol Nash, Casnewydd	Coleg Gwent	Gwneud cais ar-lein
Partneriaeth Gymdeithasol	2 ddydd Llun	16/09/24	23/09/24	Campws Heol Nash, Casnewydd	Coleg Gwent	Gwneud cais ar-lein
Mynd i’r Afael ag Aflonyddu Rhywiol a’i Atal	3 dydd Mercher	07/11/24	20/11/24	Ar-lein	Addysg Oedolion Cymru	Gwneud cais ar-lein
Anabledd yn y Gweithle	3 dydd Llun	04/11/24	18/11/24	Ar-lein	Addysg Oedolion Cymru	Gwneud cais ar-lein
Partneriaeth Gymdeithasol	2 ddydd Mawrth	12/11/24	19/11/24	Ar-lein	Addysg Oedolion Cymru	Gwneud cais ar-lein

 

Cyrsiau i gynrychiolwyr – tymor y gwanwyn 2025

Mae rhagor o wybodaeth am gynnwys pob cwrs ar gael ymhellach i lawr y dudalen hon.

Enw’r cwrs	Patrwm	Dyddiad dechrau	Dyddiad gorffen	Lleoliad	Darparwr	Cadw lle
Cynrychiolwyr Undebau – Rhan 1	10 dydd Llun	13/01/25	24/03/25	Campws Heol Nash, Casnewydd	Coleg Gwent	Gwneud cais ar-lein
Cynrychiolwyr Iechyd a Diogelwch – Rhan 1	10 dydd Gwener	17/01/ 25	28/03/25	ALW Caerdydd	Addysg Oedolion Cymru	Gwneud cais ar-lein
Cynrychiolwyr Iechyd a Diogelwch – Rhan 1	10 dydd Gwener	17/01/25	28/03/25	ALW Wrecsam	Addysg Oedolion Cymru	Gwneud cais ar-lein
Cynrychiolwyr Undebau – Rhan 2	10 dydd Gwener	24/01/25	04/03/25	Ar-lein	Addysg Oedolion Cymru	Gwneud cais ar-lein
Cynrychiolwyr Iechyd a Diogelwch – Rhan 2	10 dydd Mawrth	14/01/25	25/03/25	Ar-lein	Coleg Gwent	Gwneud cais ar-lein
Cynrychiolwyr Dysgu Undebau – Rhan 1	4 dydd Llun	27/01/25	17/02/25	Ar-lein	ALW	Gwneud cais ar-lein
Cynrychiolwyr Dysgu Undebau – Rhan 2	4 dydd Mercher	05/03/25	26/03/25	Ar-lein	Coleg Gwent	Gwneud cais ar-lein
Cyflwyniad i ymwybyddiaeth amgylcheddol (i gynrychiolwyr)	1 dydd Mawrth (hanner diwrnod)	14/01/25	14/01/25	Ar-lein	Addysg Oedolion Cymru	Gwneud cais ar-lein
Gwneud y gweithle’n fwy gwyrdd – sgiliau cynrychiolwyr gwyrdd	3 dydd Llun	27/01/25	10/02/25	Ar-lein	Coleg Gwent	Gwneud cais ar-lein
Trafod er mwyn sicrhau Trawsnewid Cyfiawn	3 dydd Mercher	29/01/25	12/02/25	Ar-lein	ALW	Gwneud cais ar-lein
Partneriaeth Gymdeithasol	2 ddydd Mercher	15/01/25	22/01/25	Ar-lein	Coleg Gwent	Gwneud cais ar-lein
Y Menopos yn y Gweithle	3 dydd Llun	10/03/25	24/03/25	Ar-lein	Addysg Oedolion Cymru	Gwneud cais ar-lein
Partneriaeth Gymdeithasol	2 ddydd Mawrth	18/03/25	25/03/25	Ar-lein	Addysg Oedolion Cymru	Gwneud cais ar-lein
Ymwybyddiaeth o Awtistiaeth / Niwroamrywiaeth yn y Gweithle	2 ddydd Mawrth	04/03/25	11/03/25	Ar-lein	Addysg Oedolion Cymru	Gwneud cais ar-lein
Iechyd Meddwl – o fod yn wydn i allu gwrthsefyll	2 ddydd Llun	31/03/25	07/04/25	Ar-lein	Coleg Gwent	Gwneud cais ar-lein

 

Cyrsiau i gynrychiolwyr – tymor yr haf 2025

Mae rhagor o wybodaeth am gynnwys pob cwrs ar gael ymhellach i lawr y dudalen hon.

Enw’r cwrs	Patrwm	Dyddiad dechrau	Dyddiad gorffen	Lleoliad	Darparwr	Cadw lle
Cynrychiolwyr Undebau – Rhan 1	10 dydd Gwener	02/05/25	11/07/25	ALW Caerdydd	Addysg Oedolion Cymru	Gwneud cais ar-lein
Cynrychiolwyr Undebau – Rhan 1	10 dydd Gwener	02/05/25	11/07/25	ALW Wrecsam	Addysg Oedolion Cymru	Gwneud cais ar-lein
Cynrychiolwyr Iechyd a Diogelwch – Rhan 1	10 dydd Mawrth	06/05/25	15/07/2025	Campws Heol Nash, Casnewydd	Coleg Gwent	Gwneud cais ar-lein
Cynrychiolwyr Undebau – Rhan 2	10 dydd Llun	28/04/25	14/07/25	Ar-lein	Coleg Gwent	Gwneud cais ar-lein
Cynrychiolwyr Iechyd a Diogelwch – Rhan 2	10 dydd Gwener	09/05/25	18/07/25	Ar-lein	Addysg Oedolion Cymru	Gwneud cais ar-lein
Cynrychiolwyr Dysgu Undebau – Rhan 1	4 dydd Mercher	30/04/25	21/05/25	Ar-lein	Coleg Gwent	Gwneud cais ar-lein
Cynrychiolwyr Dysgu Undebau – Rhan 2	4 dydd Mawrth	14/05/25	11/06/25	Ar-lein	Addysg Oedolion Cymru	Gwneud cais ar-lein
Cyflwyniad i ymwybyddiaeth amgylcheddol (i gynrychiolwyr)	1 dydd Mercher (hanner diwrnod)	7/05/25	7/05/25	Ar-lein	Addysg Oedolion Cymru	Gwneud cais ar-lein
Gwneud y Gweithle’n Fwy Gwyrdd – Sgiliau Cynrychiolwyr Gwyrdd	3 dydd Llun	02/06/25	16/06/25	Ar-lein	Addysg Oedolion Cymru	Gwneud cais ar-lein
Trafod er mwyn sicrhau Trawsnewid Cyfiawn	3 dydd Mawrth	10/06/25	24/06/25	Ar-lein	Coleg Gwent	Gwneud cais ar-lein
Mynd i’r afael ag aflonyddu rhywiol a’i atal	3 dydd Iau	08/05/25	22/05/25	Ar-lein	Coleg Gwent	Gwneud cais ar-lein
Gwaith Achos Uwch	2 ddydd Llun	05/05/25	12/05/25	Ar-lein	Coleg Gwent	Gwneud cais ar-lein

 

Cynnwys y cwrs: beth mae pob cwrs yn ei gynnig?

Cliciwch ar enw’r cwrs isod i gael rhagor o wybodaeth am yr hyn y byddwch yn ei ddysgu.

[Bydd y cwympflychau yn yr adran hon yn cael eu diweddaru]

Cynrychiolwyr undebau – rhan 1

Os ydych chi’n gynrychiolydd undeb newydd, mae’r cwrs hwn yn hanfodol. Byddwch yn dysgu

• beth mae bod yn gynrychiolydd yn ei olygu
• sut mae cynrychioli eich aelodau’n effeithiol
• sut mae codi materion cyfunol ac unigol gyda’ch cyflogwr

Byddwch yn deall y rôl a’i chyfrifoldebau. Mae’r rhain yn cynnwys cydweithio ag aelodau a chynrychiolwyr undebau eraill, siarad ag aelodau a delio â’u problemau, recriwtio aelodau a’u helpu i gymryd rhan yn yr undeb, cwrdd â rheolwyr i drafod amrywiaeth o faterion yn y gwaith, a gwneud yn siŵr bod aelodau’n cael y wybodaeth ddiweddaraf.

Cynrychiolwyr undebau – rhan 2

Os ydych chi wedi cwblhau ‘Cynrychiolwyr Undebau – Rhan 1’, neu’r hyn sydd gyfwerth yn eich undeb, bydd y cwrs hwn yn eich helpu i gamu ymlaen yn eich rôl undeb llafur. Mae’r cwrs yn ymdrin â’r canlynol:

• Rolau arwain yn y strwythur cangen, h.y. Cadeirydd, Ysgrifennydd a Thrysorydd,
• sut mae undeb llafur yn gwneud penderfyniadau a sut gallwch ddylanwadu ar ei bolisïau,
• cynnal trafodaethau effeithiol,
• trefnu ymgyrchoedd llwyddiannus.

Yr amddiffyniad gorau yn y gweithle yw undebau llafur trefnus, ond mae deall beth yw ein hawliau a sut mae gwneud y defnydd gorau ohonynt yn hanfodol i’ch rôl. Byddwch yn dysgu am y canlynol:

• Contractau cyflogaeth
• Diswyddo teg ac annheg
• Cydraddoldeb ac amrywiaeth
• Gweithredu diwydiannol

Cynrychiolwyr iechyd a diogelwch – rhan 1

Os ydych chi’n gynrychiolydd Iechyd a Diogelwch newydd, mae’r cwrs hwn yn hanfodol. Byddwch yn dysgu:

• beth mae bod yn gynrychiolydd Iechyd a Diogelwch yn ei olygu
• sut mae iechyd a diogelwch yn cael ei drefnu yn eich gweithle
• sut mae delio â materion iechyd a diogelwch yn y gwaith.

Byddwch yn edrych ar y gyfraith iechyd a diogelwch, ar archwiliadau diogelwch, ar asesiadau risg ac ar fesurau ataliol. Bydd y cwrs hwn yn dysgu hanfodion iechyd a diogelwch i chi ac yn eich cyflenwi â’r sgiliau, y wybodaeth a’r hyder i gyflawni eich rôl yn effeithiol.

Cynrychiolwyr iechyd a diogelwch – rhan 2

Os ydych chi wedi cwblhau ‘Iechyd a Diogelwch – Rhan 1’, neu’r hyn sydd gyfwerth yn eich undeb, bydd y cwrs hwn yn eich helpu i ddelio â’r materion pwysicach hynny. Bydd y cwrs yn ymdrin â’r canlynol

•  Trefnu a chynllunio iechyd a diogelwch yn effeithiol,
• sut a phryd i’w ddefnyddio,
• sicrhau gwell bargen i aelodau,
• dadansoddi asesiadau risg,
• hyfforddiant iechyd a diogelwch.

Er ein bod yn ceisio sicrhau gweithleoedd mwy diogel i’n haelodau, rhaid i ni gydnabod hefyd yr angen am gydraddoldeb ac amrywiaeth. Drwy gydol y cwrs, byddwch yn edrych ar faterion sy’n ymwneud â chydraddoldeb fel:

• Rhywedd a chyfarpar diogelu persono
• Aflonyddu rhywiol
• Anableddau cudd
• Y menopos

Ymwybyddiaeth o iechyd meddwl

Mae iechyd meddwl yn y gweithle yn dod yn fwyfwy pwysig. Mae’r cwrs hwn yn trafod pam ei fod yn bwysig a sut gall cynrychiolwyr ddelio â phroblemau iechyd meddwl.

Ar gyfer pwy mae’r cwrs?

Mae’r cwrs hwn ar gyfer cynrychiolwyr sydd eisiau gwella eu hymwybyddiaeth o sut gall y gweithle effeithio ar iechyd meddwl ac sydd am wella polisïau ar gyfer eu haelodau.

Beth fydd y cwrs yn fy helpu i’w wneud?

Bydd y cwrs yn helpu cynrychiolwyr i wneud y canlynol:

• Datblygu dealltwriaeth well o Iechyd Meddwl yn gyffredinol.
• Datblygu dealltwriaeth well o broblemau Iechyd Meddwl sy’n gysylltiedig â gwaith.
• Datblygu dealltwriaeth well o Gyfraith Gwahaniaethu ar sail Anabledd a sut mae’n berthnasol i bobl â phroblemau Iechyd Meddwl.
• Defnyddio astudiaethau achos a chwarae rôl i ddatblygu sgiliau ymarferol ar gyfer delio â phroblemau sy’n gysylltiedig ag Iechyd Meddwl.
• Llunio cynllun gweithredu i weithio gydag aelodau a chyflogwyr i ddatblygu strategaeth ar gyfer problemau Iechyd Meddwl.

Cynrychiolwyr dysgu undebau – rhan 1

Os ydych yn Gynrychiolydd Dysgu Undebau newydd, mae’r cwrs hwn yn hanfodol.

Bydd yn eich cyflenwi â’r sgiliau a’r wybodaeth sydd eu hangen arnoch i fod yn Gynrychiolydd Dysgu Undebau effeithiol. Mae llawer mwy i rôl Cynrychiolydd Dysgu Undebau na dim ond trefnu cyrsiau yn eich gweithle. Mae’n golygu gweithio yn eich cangen, gyda’ch cyflogwyr, darparwyr a chyllidwr i ehangu mynediad i ddysgu a sicrhau cyfle cyfartal yn eich gweithle.

Bydd y cwrs yn dysgu’r canlynol i chi:

• Rôl undebau llafur mewn cysylltiad â dysgu a sgiliau
• Rôl Cynrychiolydd Dysgu Undebau
• Dulliau undebau llafur o ran dysgu yn y gweithle a modelau arferion gorau perthnasol
• Polisïau a rhaglenni allweddol sy’n berthnasol i’r system sgiliau oedolion yng Nghymru
• Sut mae hyrwyddo dysgu yn eich gweithle
• Sut mae nodi anghenion dysgu
• Sut mae gweithio gyda’ch cangen a’ch cyflogwr i gael gwared ar y rhwystrau i ddysgu a datblygu yn y gwaith

Gwneud ein gweithleoedd yn fwy gwyrdd

Mae’r cwrs hwn wedi’i anelu at gynrychiolwyr gwyrdd/amgylcheddol newydd a phrofiadol yn ogystal ag undebwyr llafur eraill sydd am gymryd camau ymarferol i fynd i'r afael â’r argyfwng hinsawdd a natur yn eu gweithle.

Hyd y cwrs: 3 diwrnod o ddysgu (1 diwrnod yr wythnos dros gyfnod o 3 wythnos).

Pwy ddylai ddod?

Yr holl undebwyr llafur sy’n dymuno cymryd camau i fynd i'r afael â’r argyfwng hinsawdd a natur yn eu gweithle, gan gynnwys swyddogion undebau, swyddogion cangen, cynrychiolwyr, cynrychiolwyr iechyd a diogelwch, cynrychiolwyr dysgu’r undebau, cynrychiolwyr cydraddoldeb.

Negodi er mwyn sicrhau Trawsnewid Cyfiawn

Bydd y cwrs hwn yn rhoi gwybodaeth a syniadau i gynrychiolwyr undebau, cynrychiolwyr iechyd a diogelwch, cynrychiolwyr gwyrdd a swyddogion cangen a fydd yn eu helpu i wybod sut i ymateb yn strategol i’r her o roi llais i weithwyr ar y trawsnewid i economi sero-net.

Bydd yn helpu cynrychiolwyr undebau i ddatblygu strategaethau negodi at ddibenion cynllunio ar gyfer trawsnewid y gweithle a datblygu dealltwriaeth o effaith ehangach y newid ar faterion fel sgiliau yn y gweithle, swyddi ac iechyd a diogelwch.

Hyd y cwrs: 3 diwrnod o ddysgu (1 diwrnod yr wythnos dros gyfnod o 3 wythnos).

Pwy ddylai ddod?

Yr holl undebwyr llafur sy’n dymuno cymryd camau ymarferol i fynd i'r afael â’r argyfwng hinsawdd a natur yn eu gweithle, gan gynnwys swyddogion undebau, swyddogion cangen, cynrychiolwyr, cynrychiolwyr iechyd a diogelwch, cynrychiolwyr dysgu’r undebau, cynrychiolwyr cydraddoldeb.

Pecynnau cymorth

Mae TUC Cymru wedi cynhyrchu nifer o becynnau cymorth y gellir eu defnyddio yn y gweithle i helpu gydag amrywiol feysydd cydraddoldeb, dysgu yn y gweithle a materion amgylcheddol. Edrychwch ar y pecynnau a’u llwytho i lawr yma.

Canllawiau rhyngweithiol

Mae gennym ddarnau bach o ddeunyddiau dysgu a chyrsiau hirach ar gael. Mae pob deunydd dysgu yn hunangynhwysol ac yn cynnwys casgliad o destunau, fideos a chwisiau. Maen nhw’n para rhwng 20 a 45 munud, a gellir troi eich sylw atyn nhw gynifer o weithiau ag y dymunwch. Ein canllawiau rhyngweithiol

Gweminarau

Mae ein gweminarau ar faterion penodol yn y gweithle yn adnodd hyfforddi gwerthfawr i gynrychiolwyr ac aelodau. Cofrestrwch ar gyfer ein digwyddiadau sydd ar y gweill, neu gwyliwch ein gweminarau blaenorol.

Rhwydweithiau

Mae gennym nifer o rwydweithiau gweithredol lle gallwch gael yr wybodaeth ddiweddaraf yn rheolaidd am faterion pwysig yn y gweithle. Maen nhw hefyd yn darparu cyfleoedd parhaus i rwydweithio a rhannu profiadau gyda chynrychiolwyr eraill y tu hwnt i’r ystafell ddosbarth.

Mae rhagor o wybodaeth ar gael am ein Rhwydwaith Gweithleoedd Gwyrddach a Rhwydwaith Cynrychiolwyr Dysgu’r Undebau. Rydym yn bwriadu lansio rhwydwaith newydd o gynrychiolwyr iechyd a diogelwch yn ystod gwanwyn/haf 2024. Bydd rhagor o fanylion yn cael eu hychwanegu at y dudalen hon cyn bo hir.

 

Cyfeiriadur cyrsiau: Fersiwn PDF

Mae’r PDF hwn yn cynnwys crynodeb o ddyddiadau pob cwrs - hwylus i’w roi ar hysbysfyrddau.